جس کو نماز کا ترجمہ و تشریح نہیں آتی اس شخص پر حیرانگی ھے کہ دنیا جہاں کے علوم سیکھے مگر رب العالمین کے اتنے عظیم تحفے کی قدر نہ کی ، آئیں نماز سیکھیں اور دوسروں کو سکھائیں. اپنے بچوں کو خاص طور پر اس کا ترجمہ سمجھائیں۔
’’سب تعریفیں اللہ ہی کے لیے ہیں جو تمام جہانوں کی پرورش فرمانے والا ہے، نہایت مہربان بہت رحم فرمانے والا ہے، روزِ جزا کا مالک ہے، (اے اللہ!) ہم تیری ہی عبادت کرتے ہیں اور ہم تجھ ہی سے مدد چاہتے ہیں، ہمیں سیدھا راستہ دکھا، ان لوگوں کا راستہ جن پر تو نے انعام فرمایا، ان لوگوں کا نہیں جن پر غضب کیا گیا ہے اور نہ (ہی) گمراہوں کا ‘‘
اے نبی مکرّمﷺ! آپ فرما دیجئے : وہ اللہ ہے جو یکتا ہے، اللہ سب سے بے نیازہے، نہ اس سے کوئی پیدا ہوا اور نہ ہی وہ پیدا کیا گیا ، اور نہ ہی اس کا کوئی ہمسر ہے۔
رکوع
سُبْحَانَ رَبِّیَ الْعَظِیْمِ۔
’’پاک ہے میرا پروردگار عظمت والا۔‘‘
قومہ
سَمِعَ اللّٰہُ لِمَنْ حَمِدَہْ۔
’’ اللہ تعالیٰ نے اس بندے کی بات سن لی جس نے اس کی تعریف کی۔‘‘
رَبَّنَا لَکَ الْحَمْدُ۔
’’اے ہمارے پروردگار! تمام تعریفیں تیرے لیے ہیں۔‘‘
سجدہ
سُبْحَانَ رَبِّیَ الاَعْلٰی۔
’’پاک ہے میرا پروردگار جو بلند ترہے۔‘‘
جلسہ
حضرت ابنِ عباس رضی اللہ عنہ سے مروی ہے کہ حضور نبی اکرم صلی اللہ علیہ وآلہ وسلم دونوں سجدوں کے درمیان درج ذیل دعا مانگتے تھے
’’تمام قولی، فعلی اور مالی عبادتیں اللہ ہی کے لیے ہیں، اے نبی(ﷺ)! آپ پر سلام ہو اور اللہ کی رحمت اور برکتیں ہوں، ہم پر اور اللہ کے تمام نیک بندوں پر بھی سلام ہو، میں گواہی دیتا ہوں کہ اللہ کے سوا کوئی معبود نہیں اور میں گواہی دیتا ہوں کہ حضرت محمدﷺ کے بندے اور اس کے رسول ہیں۔‘‘
درودِ اِبراہیمی
حضور نبی اکرم صلی اللہ علیہ وآلہ وسلم 2، 3 یا 4 رکعت والی نماز کے قعدہ اخیرہ میں ہمیشہ درودِ ابراہیمی پڑھتے تھے جو درج ذیل ہے
اے اللہ! رحمتیں نازل فرما حضرت محمد صلی اللہ علیہ وآلہ وسلم پر اور آپ صلی اللہ علیہ وآلہ وسلم کی آل پرجس طرح تونے رحمتیں نازل کیں حضرت ابراہیم علیہ السلام پر اور ان کی آل پر، بے شک تو تعریف کا مستحق بڑابزرگی والا ہے۔
اے اللہ! تو برکتیں نازل فرما حضرت محمد صلی اللہ علیہ وآلہ وسلم پر اور آپ صلی اللہ علیہ وآلہ وسلم کی آل پرجس طرح تونے برکتیں نازل فرمائیں حضرت ابراہیم علیہ السلام پر اور ان کی آل پر، بے شک تو تعریف کا مستحق بڑا بزرگی والا ہے۔‘‘
اے میرے رب! مجھے اور میری اولاد کو نماز قائم رکھنے والا بنا دے، اے ہمارے رب! اور تو میری دعا قبول فرما لے، اے ہمارے رب! مجھے بخش دے اور میرے والدین کو (بخش دے) اور دیگر سب مومنوں کو بھی، جس دن حساب قائم ہوگا۔
